شعری به زبان آذری در مدح و ثنای ایثارگری توسط برادر بسیجی علی امامی
جانیم دئسین جانینا قانا باتان وطندن
ترکئش ده ین ایگیده یئرده قالان بدندن
قوش زیروه یه اوچاندا، قاپینی تئز آچدی یار
چاغیردی اوز یانینا قاباغینا قاچدی یار
عشقین درسین اوخودو قان دستماز آلاندا
تکبیرینی باشلادی سجاده سین سالاندا
ولایتین یولوندا جاندان کئچدی شهیدلر
دال دوندردی گئجه یه گونو سئچدی شهیدلر
ایسته میرم بیله لر دویوشچونون حالینی
کیم اوغورلور قبرینین باش داشینی سالینی؟
قانین اوسته چیخانلار اوغورلاییب مقامی
حلال ایشی بوشلاییب محکم توتوب حرامی
آخان قانلار ایسته میر ظالم دورا باش اوسته
مظلوملارین گوزونون یاشی آخا یاش اوسته
بیلمم نه دن اوتانمیر قانی پامال ائدنلر؟
دشمنلرله بیرله شیب شیطان یولون گئدنلر؟
هامی بیلسین گورنمیر خائن شهید آدینی
سانجیلانیر داداندا ملت ظفر دادینی
حقیقتین چیراغین ایشیقلاتدی شهیدلر
یاراسینا وطنین مرهم قویدو ایگیدلر
گئجه گوندوز فتنه لر انقلابا قورولور
بولاندیریق سولاردا آخا آخا دورولور
علی امامی
افزودن دیدگاه جدید